العيش(الخبز) .. بقلم أ/ عبدالحفيظ جابر شيبه
العيش (الخبز)
مع السلامة يا رغيف العيش
خايف فيوم يجيني ضيف
أدور عليك ملقيش
يا خوفي ليجي يوم
تصبح أغلى من الحشيش
ونسأل عليك يقولوا مفيش
معذرة يا نجيب محفوظ
أنت والحرافيش
وكمان السائل والدراويش
لوجيتوا تسألوا
على كسرة عيش
وأنا مفيش ولا رغيف
لو حتى زي ما كان خفيف
أو حتى نحيف
مش مهم عقب سيجارة
من خباز ومش نظيف
أجبلكم رغيف فينو
وتأكلوه بحاجة أسمها بيف
معلش غالي شوية
بس نظيف
سامحوني يا حرافيش
وأنتم كمان يا دراويش
ممعيش أشتريلكم
رغيف عيش
مع السلامة يا رغيف العيش
بقلمي/عبد الحفيظ جابر شيبه
تعليقات
إرسال تعليق