رمضان كريم .. بقلم / عمرو ياسين
رمضان كريم
وكل عام انتم بخير
اليكم بعض كلمات الرثاء التي كنت قد كتبتها لامي بحلول رمضان
1_بعنون/رمضان امي وامي رمضان
2_بعنوان/رمضان جانا اهلا رمضان
بقلمى /عمرو ياسين
الدوله/مصر
1_{رمضان امي وامي رمضان}
رمضان طبعه كرم واحسان
امي كمان.
رمضان شهر التقى والايمان
امي كمان.
شهر اتمنى فيه الجنه
وامي تعود.
اصلها راحت ماتت يعني
خدت القلب وسابت الروح.
رمضان امي وامي رمضان
لمة عيلتى فى فطار وسحور
تنفع يعني من غير امي!
جبت الفوانيس وبلح وياميش
هيصة رمضان والفرح مفيش.
الفرح مفيش ناقص امي
اصل بدونها مش عارف اعيش.
فرحة رمضان ناقصه عندي
فرحة رمضان اصلا امي.
وبدون امي ما افرحش اكيد.
رمضان امي وامي رمضان
مرحب رمضان شهر الصوم
وبدون امي ديما محروم.
مرحب رمضان صلاة وعبادة
من غير امي حزني زيادة.
رمضان ترويح وفطار وسحور
بس بدونها في شي مكسور.
دمعي محبوس قلبي مقهور.
رمضان عندي فرحي بامي
ماهو رمضان امي وامي رمضان
2_{رمضان جانا اهلا رمضان}
رمضان جانا : اهلا رمضان
من غير امي : بقي كله الام
لما الاحباب : عندك يااما
كرمك يااما : عنك مشهور
بيتك بيدور : بفطار وسحور
عندك رمضان : طاقة من نور
بيتك يااما : بعدك مهجور
رمضان جانا اهلا رمضان
طب مين هيقول : هات عيش وعصير
والفول يابني : علشان السحور
كانت ايام : احلي من النور
ماتت امي : ماهو كاس بيدور
رمضان جانا اهلا رمضان
كان ده مكاني : بيتك يااما
احلي ايامي : عندك يااما
صبحو عيالي : حزانا يااما
خدتي الفرحه : قلبي مكسور
رمضان جانا اهلا رمضان
رمضان مكسور : من غير امي
غصه في حلقي : ديما ببكي
بعدك يااما : ومعدش سرور
رمضان جانا اهلا رمضان
اسف رمضان : لكن امي
كانت عندي :بتجري في دمي
ماتت امي : وفضل رمضان
رمضان امي وامي رمضان
رمضان كريم علي كل ام تظلنا بحنانها
والله اكرم وارحم بكل ام فارقتنا
بقلمي /عمرو ياسين
الدوله/ مصر
تعليقات
إرسال تعليق