أخدتم إيه ... بقلم/ وحيد محروس خليل

(( أخدتم إيه )) أغنية شعبية أخدتم إيه ؟؟؟ أخدتم إيه لما زمان غدرتم بيا عايش ودمعي من جرحكم مافارق عينيا *** أنا طول عمري بحبكم وبخاف عليكم ليه تجرحوني دا أنا منكم الله يجازيكم *** ليه كل ما أقرب منكم شوية بتبعدوني دا أنا إللي بالغالي إشتريتكم طب ليه تبيعوني *** ما سمعتوش في يوم عن الإنسانية سيبتوني أعاني من الهموم ولا حد يوم سأل عليا *** وقلوبكم جاحدة ليه ومفيش ضمير دا إللي بيعمل خير بيلاقيه وإحنا ليه من بعض نغير *** هي الدنيا إيه غير حب وحنان والدين المعاملة متقولوش الطيبة دي كات زمان عمري ماحسيت معاكم بأمان وقلوبكم ظالمة *** أنا ياما حاربت في الزمن وضحيت علشانكم تبيعوني ليه من غير تمن بعد ما إحساسكم خانكم *** أنا سلمت آمري للي شاهد وعالم بحالي سبحانه هيعوضني خير عن إللي جرالي كان نفسي معاكم أفرح يومين لكن ياخسارة مش مكتوبالي *** أخدتم إيه؟؟؟ بقلمي الشاعر/ وحيد محروس خليل/ مصر